Licenciado en Filoloxía Hispánica pola Universidade da Coruña, traballa no eido da edición. Ten publicados os seguintes títulos para o público infantil: «Violeta quere ser vampiro. Un conto do Samaín» (Xerais, 2017), «É tempo de Entroido!» (Xerais, 2018), «A araña que lles tiña medo ás arañas» (Xerais, 2019), «Meigas fóra!» (Xerais, 2020), «Non pare a festa» (Xerais, 2021) e «De festa en festa» (Cumio, 2022). Tamén é autor da serie de banda deseñada «Miñoca» / «Lombriz» / «Cuc» (Xerais / Takatuka 2021, 2022). Con «Violeta Parapluie e outras historias de xente pouco corrente» (Embora, 2022) gañou o Premio Arume de Poesía para a Infancia no ano 2021. Publicou os contos en liña «#EuQuedoNaCasa» (2020), sobre o confinamento provocado pola covid-19, e «Bombas de chocolate» (2022), sobre a guerra de Ucraína. Na actualidade coordina a conta de Instagram @podiachovermerda, onde todos os textos son da súa autoría. «Zoom» (Xerais, 2022) é a súa primeira incursión na narrativa dirixida ao público adulto.